Davao City – Pulo ka oras nga walay supply sa tubig ang pipila ka mga konsumante sa syudad sa Davao ugmang adlawa, Setyembre 21 magsugod alas 9 sa buntag ug kutob pa alas 7 sa gabii.
Sa gipagulang advisory sa Davao City Water District kun DCWD, maapektuhan sa maong water service interruption ang bahin sa Shrine Hills Road (gikan Shrine Reservoir padulong C.P. Garcia Highway), Maa areas (Green Valley ug portions sa Las Terrazas) lakip ang entero Brgy. Langub, Santos Cuyugan Road, Matina Hills ug kasikbit nga lugar tungod sa disinfection ug paglimpyo sa Shrine Reservoir.
Samtang karong adlawng Sabado, upat ka oras nga walay supply sa tubig ang bahin sa Brgy. Los Amigos Tugbok (gikan corner Davao – Bukidnon Road ngadto sa Los Amigos Bridge) magsugod alas 10 sa buntag kutob alas 2 sa hapon.
Matud sa DCWD, tungod kini sa pipeline extension nga himuon sa maong lugar.
Alang sa dugang mga pangutana, mamahimong mutawag lang sa DCWD’s 24-hour hotline 297-3293.
RadyoMaN Renz Barbarona
