10 ka balay, nasunog sa Barangay Lapasan

21
PC: RadyoMaN John Dangga

Napulo ka balay ang nasunog mga alas onse kagahapon sa buntag sa Zone 5A, San Lazaro, Barangay Lapasan ning syudad.

 

Onse ka pamilya ang naapektuhan ug mikabat sa 30 mil pesos ang damyos sa sunog.


 

Sa imbestigasyon sa Bureau of Fire Protection , nagsugod ang sunog sa balay ni Cristine Murio tungod sa nabiyaang nilung-ag.

 

Matud ni Ken Ranan ang Information Officer sa Barangay Lapasan nga sa karon naa sa covered court ang mga apektadong pamilya ug nipaubos na usab kini sa profiling sa City Social Welfare and Development Office.

 

Samtang, gitan-aw pa kung pwedeng makabalik sa pagpuyo ang mga biktima sa lugar kay ang ilang gipuy-an duol sa Bitan-ag creek nga lakip sa no build zone policy.

Facebook Comments

From Advertisers