General Santos City—Mukabat sa 10 ka mga cellphone ug upat ka wallet ang gipatala sa mga nanag-iya niini nga nawala samtang sila anaa sa oval plaza atol sa gihimong culmination day sa Tuna Festival 2019 kagabie.
Nasayran nga sunod-sunod nga midangop sa buhatan sa Police Station 1 ang mga biktima diin misumbong nga nawala ang ilang cellphone samtang ang uban kanila nawala ang ilang pitaka.
Gituohan nga gikawat ang maong mga butang sa wala mailhing mga suspek kansa nanghimulos dungan sa pagdagsa sa mga katawhan sa oval plaza nga nakigsadya dungan sa Culmination day as Tuna festival.
Sa karon naghimo na ug imbistigasyon ang kapulisan bahin sa maong insidenti.
Nasayran nga niadtong disperas sa kulminasyon sa Tuna festival walo usab ka personahe ang nawad-an ug cellphone sa Oval Plaza dungan sa pagdagsa sa katawhan dihang mipasundayag ang duha ka sikat nga banda gikan sa kauluhan.
