Davao City – Niabot na ang 10 ka Davao City bus kagahapon, Oktubre 14, 2025, sa Davao City Overland Transport Terminal (DCOTT).
Sa interview sa DXDC RMN Davao kang Atty. Tristan Dwight Domingo, ang Project Manager sa Davao Bus Project and Assistant City Administrator, gisulti niya nga kining mga bus pinaagi sa programa sa Davao Interim Bus Service sa lokal nga panggamhan sa dakbayan.
Segun ni Atty. Domingo nga karong bulan sa Nobyembre 2025, magsugod ang operasyon sa libreng sakay alang sa mga pasahero sa syudad diin adunay 46 seating capacity, duha ka lingkuranan alang sa person with disability (PWD) ug 20 standing ang mamahimong masulod niini.
Gipasabot sab sa opisyal nga gina proseso pa ang mga dokumento sa mga bus ug nagpadayon pa ang pag-inspeksyon sa mga bus unit lakip na sab ang mga drayber nga ipailawom sab sa training.
RadyoMan Don Pulayao
Facebook Comments
