Natigayon nga madakpan sang Dumangas PNP ang 10 ka mga lalaki matapos ginhimo nga pangbayad sa ila utang sa tyangge ang mga manok sa poultry farm nga ila gina-ubrahan.
Ginkilala ang mga arestado nga amo sanday Eric Albacite, 24 anyos ; Argie Albacite, 22; Michael Arcan, 19 ; Johnrey Dapitan, 28 ; Jeson Dapitan, 18 ; Ronel Tipon, 24 ; Joven Erbita, 24 kag ang tatlo ka mga menor de edad nga sanday alyas Jay-r , alyas Cute kag alyas Angelo.
Una diri, nagpalab-ot sang reklamo sa kapulisan ang tag-iya sang Hortinela Poultry Farm sa PD Monfort North, Dumangas , Iloilo nga sanday Diosdado kag Dulce Hortinela matapos natukiban nga ginkawat ang ila mga manok sa poultry farm.
Suno kay PO3 Jomarie Balisang, imbestigador sang Dumangas PNP nga ginkarga sang mga suspek ang mga manok sa traysikol kag gindala sa Brgy. Tubungan , Barotac Nuevo agud ibayad sa ila utang sa tyangge.
Ini ang ginkumpirma mismo ni Ma. Marjie Doctora sang Sitio Tacas, Brgy. Tubungan, Barotac Nuevo matapos ginhatagan sang mga suspek sang duha ka 45 days chicken bilang bayad sa ila utang.
Narecover man sang kapulisan ang 34 ka mga manok nga ginkawat sang mga ini.
Yara sa paghinakop sang Dumangas PNP ang mga suspetsado.
(photo from web)
