ILOILO – Available na ang Hiligaynon version sang gin-summarized nga Nutritional Guidelines for Filipinos (NGF), ang “10 Kumainments” ukon 10 Ka Sugo sa Nutrisyon.
Ginpahayag ni NNC Regional Nutrition Program Coordinator Nona Tad-y nga ginhimo ang Hiligaynon version sang NGF agud mangin mas mahapos nga maintindihan kag madumduman sang mga pumuluyo.
“The messages are made simple not only for audiences but for users, like the Barangay Nutrisyon Scholars, who are tasked to disseminate this as widely as possible,”
Ang 10 Ka Sugo sa Nutrisyon amo ang mga masunod:
I. Kaon sang nanari-sari nga pagkaon adlaw-adlaw.
II. Gatas sang iloy lamang sa una nga anum ka bulan ni baby; umpisa anum ka bulan hatagan man siya sang dugang kag nagakabagay nga pagkaon.
III. Kaon sang mas madamo nga utan kag prutas adlaw-adlaw.
IV. Kaon sang isda, karne kag iban pa nga pagkaon nga puno sang protina.
V. Inom sang gatas kag kaon sang mga pagkaon nga dagaya sa calcium.
VI. Siguraduhon nga matinlo ang pagkaon kag tubig.
VII. Gamita ang iodized salt.
VIII. Hagan-hagan sa ma-arat, mantikaon, kag matam-is nga pagkaon.
IX. Padayunon ang husto nga kabug-aton.
X. Mangin aktibo. Likawan ang panigarilyo kag makhulubog nga ilimnon.
