TACLOBAN CITY – 10 nga bag-o nga traffic lights an nagpakataod na ha magkadurudilain nga kakalsadahan ha syudad han Tacloban agud makabulig ha pagkontrol ha dalagan han trapiko ha syudad.
Sumala kan Randy Calahi, Head han Management Information System Services han City Government, target nira nga magin operational an mga traffic lights ha tikaarabot nga Hunyo 15 o ugsa pa man an kapatronan han syudad.
6 nga traffic lights an ginbutang ha downtown area ngan 4 ha gawas han syudad.
Dugang pa ni Calahi, solar-powered an mga traffic lights nga na-function bisan brown-out ngan mayada gihapon smart camera nga ansya an nag-iihap han volume han sarakyan nga naagi ha partikular nga lugar.
Pinaagi gihapon han mao nga traffic lights in mamomonitor an status han dalagan han trapiko ilabi na ha downtown area.
Waray naman magsumat an opisyal kun pira an kantidad han mga traffic lights.
