10 pa nga unexploded vintage bomb, nakit-an ha San Isidro, Leyte

31

SAN ISIDRO, Leyte – Matapos nga bumuto an usa nga vintage bomb dida han dominggo ha Sitio Betaog Brgy. Crossing, San Isidro, Leyte., napulo naman nga unexploded vintage bomb an narekober han mga otoridad ha Sitio Punod, Brgy. Tinago ha mao la gihapon nga bungto.

Basi ha impormasyon nga ginpadangat ha RMN Tacloban, magkadurudilain an kadako han mga vintage bomb nga narekober.

Ha impormasyon han San Isidro PNP, syahan nga nakadiskobre han unexploded vintage bomb in hi tatay Emelio Maratas, 53 anyos, may asawa, usa nga purupangisda ngan residente ha nasabi nga lugar.

Pinaagi man liwat han pag-edukar han mga otoridad ha nasabi nga bungto kun ano an mga epekto han vintage bomb ha taw oin dayon gumawas ini nga mga impormasyon.

Sumala han Leyte Police Provincial Office, kun mayada vintage bomb o bomba nga nakit-an o nakatago in dayon ini nga igreport ha mga kapulisan.

Padayon naman nga nakikipagsumpayan an RMN Tacloban ha Leyte PNP kun paunanhon nakit-an ni tatay Emelio an mga bomba.

Facebook Comments