Inilabas na ng Philippine Post Office (PHLPost) ang panibagong stamp collection kung saan tampok ang 10 world-renowned Filipino icons.
Tampok sa “Living Legends: World-Renowned Filipinos” sina Lea Salonga, Paeng Nepomuceno, Eugene Torre, Efren Bata Reyes at si Jollibee.
Kasama rin sina lingerie designer Josie Natori, Fil-Am NBA star Jordan Clarkson, techpreneur Diosdado Banatao, industrial designer Kenneth Cobonpue, at fashion designer na si Monique Lhuillier.
Inihayag ni Postmaster General Norman Fulgencio na ito ay pagbibigay-kilala at pagpupugay sa mga Pinoy legend na naging tanyag sa kani-kanilang larangan.
Balak din ng PHLPost na maglabas ng bagong henerasyon ng postcards upang mapukaw ang interes ng mga kabataan at matatanda sa pakikipag-ugnayan sa mga mahal sa buhay.
Ito ay una lamang sa tatlong stamp series na ilalabas bilang pag-alala sa ika-254 anibersaryo ng pagkakatatag ng Philippine Postal Service.
