10 sa 12 pambato ng administrasyong Marcos, nanguna sa senatorial preference survey ng SWS at Pulse Asia

Kasabay ng pagsisimula ng filing ng certificate of candidacy (COC), inilabas ng Social Weather Stations at Pulse Asia ang resulta ng kani-kanilang senatorial preference survey.

Batay sa SWS survey noong Marso at Setyembre, 13 pangalan ang may tiyansang makapasok sa “Magic 12” kung saan nangunguna sina ACT-CIS rep. Erwin Tulfo at dating Senator Tito Sotto.

Pasok din sa listahan sina Senator Pia Cayetano, dating Pangulong Rodrigo Duterte, Imee Marcos, Ping Lacson, Bong Revilla, Camille Villar, Abby Binay, Lito Lapid, Manny Pacquiao, Ronald “Bato” Dela Rosa at Christopher “Bong” Go.

Habang sa survey ng Pulse Asia noong September 6 hanggang 13, nakasama ang pangalan nina:

 Erwin Tulfo
 Ben Tulfo
 Tito Sotto
 Pia Cayetano
 Bong Go
 Rodrigo Duterte
 Abby Binay
 Bong Revilla
 Ping Lacson
 Manny Pacquiao
 Imee Marcos
 Ronald “Bato” Dela Rosa
 Lito Lapid

Kapansin-pansin na 10 sa 12 pambato ng administrasyong Marcos sa 2025 senatorial race ang nanguna sa parehong survey.