Davao City – Detinado na sa Bunawan Police Station ang driver sa 10-wheeler truck giila nga si Melchor Brosas, 38 anyos, taga Berha Road, Manolo Fortich, Bukidnon, human nakabangga patay sa nagmaneho sa motorsiklo nga si Leocordo Malik Tabuglay, 25 anyos, niadtong adlaw’ng Sabado, alas 4:45 sa hapon Enero 20, 2024 sa National Highway, Brgy. Ilang, Davao City.
Sa report sa Bunawan Police Station, subay sa inbestigasyon ni Police Staff Sargent Marvin Tabigi, ang Investigator, parehong naglawig sa susamang direksyon ang truck ug motorsiklo padulong sa downtown area gikan sa north bound, apan pag-abot sa nasampit nga lugar wa mabantayi sa driver sa truck nga iyang nabanggaan ang biktima.
Sumala pa sa ka kusog sa impact nahulog ang biktima hinungdan nga nalatayan sa truck, on the spot namatay kini.
Ang patay’ng lawas gidala na sa Rivera Funeral Homes Licanan, Bunawan, samtang nagpadayon ang settlement sa duha ka kampo, kung dili ma-areglo karong adlawa Enero 22, 2024, posibleng kasohan ang driver sa truck og reckless imprudence resulting to homicide.
RadyoMaN Don Pulayao
Facebook Comments
