Lakewood, Zamboanga del Sur – Patay ang Driver ug usa ka pahinante human mahulog ang 10 wheelers truck sa may pangpang sa Purok 2, Gatob, Lakewood, Zamboanga del Sur alas 5:30 kagahapon buntag. Besa sa imbestigasyon sa kapulisan gikan ang sakyanan sa Cagayan de oro City nga gimaniho ni Joe Gare ug aduna kini karga nga mga 50 ka single motor padulong Zamboanga City, apan pag-abot niini sa may kurbada nga bahin sa Prk. 2 Gatob, nakatagpilaw matud pa ang driver og aksidente nga nahulog sa kapin 100ft nga pangpang. Giila ang mga namatay nga si Joel Gare (driver) ug ang pahinante nga si Kenneth Bruce Morillo samtang kritikal usab ang usa ka wala pa mailhing pahinante. Gitabang kini sa mga residente ang maong mga biktima ug dali gidala sa balay tambalanan apan gidiklara gihapong patay pipila ka oras ang nakalabay. Matud pa sa imbestigador gibantog nga killer highway ang maong lugar gumikan sa daghanang natala insidente.
