All set na para subong nga adlaw ang ika-100 nga kaadlawan ni anay presidente Ferdinand Marcos nga hiwaton sa Libingan ng mga Bayani.
May hiwaton nga misa, malip-ot nga programa kag panyaga para sa mga imbitado nga mga bisita.
Hugot man nga ipatuman ang no invitation, no entry.
Kalakip sa mga wala makabaton sang imbitasyon sanday House Speaker Pantaleon Alvarez kag Makabayan Bloc, samtang kalakip sa ginpadal-an sang imbitasyon ang mga senador kon sa diin nagpahayag na nga indi makatambung si senate president Koko Pimentel.
Madamo man nga mga mamalidha ang indi makatambung bangud sa hearing sa kamara angut sa propose national budget para sa masunod nga tuig.
Una na nga ginpahayag sang Malakanyang nga malabo man nga makakadto si Pangulong Rodrigo Duterte sa pihak sang imbitasyon sang pamilya Marcos.
Sa nasambit nga kahiwatan sang centennial celebration sang kaadlawan sang anay presidente, magahiwat naman sang protesta ang mga militante nga grupo.
