Davao City – Wala giuyonan sa Trade Union Congress of the Philippines ang sugyot nga ablihan sa hingpit ang mga establisyemento sa nasud tungod anaa gihapon ang hulga sa COVID 2019 hangtud karon.
Matud ni TUCP Spokesperson Allan Tanjusay nga imbes siento porsento abrihan ang establisyemento mas maayo kon hinay-hinayon ug dili lang kaliton.
Sa nakita ni Tanjusay nga kon aduna ma’y mga industriya nga angay tutukan sa karon nga kahimtang kana mao ang mga manufacture ug ang sektor sa agrikultura.
Dugang sa tigpamaba nga ang nasampit nga mga industriya nagamugna og daghang trabaho apan dali ra mamonitor ang pagsulod sa mga empleyado diin sa maong paagi makontrolar ang dugang pagkanat sa kagaw.
Samtang tan-aw niini nga kon duna ma’y mga negosyo nga dili pa angayan pabalikon kana mao ang turismo ug service providers.
Gipunto sa tigpamaba, ang naasoy magdala og risgo sa panglawas sa mga turista nga magbahis-bahis sa mga tourist destinations ug sa maong kaso basin mukanat na hinoon og maayo ang kagaw.
“Hindi talaga maaaring 100% sa ngayon ang pagbubukas ng lahat ng industriya at ang aming nakikita ay siguro ay dahan-dahan at unti-unti yong pagbubukas ng ekonomiya. At ang nakikita namin na dapat talaga pagtuonan ng pansin na dahan-dahan ay iyong manufacturing at agriculture sector sa halip na mag-focus tayo sa tourism o sa mga service sector,” segun ni Tanjusay.
RadyoMaN Joel Viray
