Anaa matud pa sa 100% nga nagpasirad-an sa Philippine National Police kon PNP Bukidnon nga mga gaming schemes nga gipadagan sa Philippine Charity Sweepstakes Office kon PCSO.
Sa interview sa RMN Malaybalay ngadto kang Pol/LtCol. Arce Yam-oc, ang hepe sa PNP Bukidnon Planning and Operations gibutyag niini nga sa lotto outlets anaa sa 56 ang ilang napasirad-an.
Gawas niini adunay 603 ka STL outlets ang napasira.
Sigun ni Col. Yam-oc nga tanang lotto outlet ug gaming scheme nga gipadagan sa PCSO sa probinsya sa Bukidnon ilang na-adtuan ug napasira.
Gipahayag pa niini nga wala usay nisulay sa pagbabag sa ilang gihimong closure ug nisunod ra usab ang mga nanag-iya sa tigpataya tungod kay mismong si Pangulong Rodrigo Duterte na ang nagmando niin.
Nasaryan nga ila lang gibutangan ug closed ang mao nga mga lotto outlets tungod kay mismo ang tag-iya na ang nagsira sa ilang mga outlets.
