Dipolog City-Gibantayan karon sa Philippine National Police (PNP) ang moabot sa 1000 ka mga pulis tungod sa illegal niini nga aktibidad.
Kini ang gipahayag ni PNP Chief P/Gen. Oscar Albayalde human nga gilusad ang IMEG o Integrated Monitoring Eforcement Group nga mipuli sa CITF Counter Intellegence Task Force.
Matod pa ni Albayalde, nga mas ilang pahugtan ang nasudnong pulisya sa ilang gihimong internal cleansing sa ilang hanay aron nga masiguro nga maayo ang ilang kampanya kontra krimen ug illegal nga droga.
Dugang pa sa PNP chief, base sa ilang datos, adunay 400 ka pulis ang nagpositibo sa illegal nga droga pero nagtuo siya nga dako ang matabang sa IMEG para masala ang mga pulis nga pasaway.
Giingon ni Albayalde, tungod kay bag-o lang ang National Support Unit, kinahanglan nilang dugangan ang kagamitan ug sakop gikan sa SAF o Special Action Force para mahimo nga magmalampuson ang ilang kamapanya kontra sa mga tiwali ug abusadong mga pulis.
Samtang dinhi sa probinsya sa Zamboanga del norte, inihap nalang ang mga adlaw sa mga pulis nga ania diri nga kanunay gahimo ug mga illegal tungod kay gisugdan na sila ug monitor sa taga IMEG, kun ugaling mapamatud-an ug masakpan nga nahimo ug illegal, dili magpanuko ang taga IMEG nga sikopon aron manubag sa kalapasan nga ilang gihimo.
Samtang hapsay ug malinawon sulod 24 oras ang tibuok probinsya sa Zamboanga del norte, tungod kini sa padayong pagpatuman sa mga checkpoint diha sa kadalanan aron masiguro nga walay dautang tawo ang makasulod sa probinsya.
walay sab dagkong panghitabo ang natala sa buhatan sa kapulisan gawas lamang sa mga pitty crimes pero dili kini angay kabalak-an tungod ka dili kini makapatandog sa kahapsay ug kalinaw sa probinsya.
