Pagadian City – Kasamtangan nang gipanghakot paingon sa syudad sa Pagadian ang moabot sa 10,000 ka bags sa NFA rice nga gikan sa Zamboanga City.
Kini ang gibutyag sa tinugyanan sa National Food Authority -Zamboanga del Sur atol sa eksklusibo nga interview sa DXPR Pagadian kang Provincial Manager Aragasi Pasandalan.
Tungod niini, gisulti ni Pasandalan nga dili angay mabalaka ang konsumanteng publiko kay mapalit na sa merkado publiko ang mga NFA Rice partikyular sa 40 ka accredited rice retailers sa syudad.
Gidugang pa niya nga ang mapalit nga NFA rice sa merkado tag 32 pesos ang matag kilo samtang mokantidad lamang sa 27 ang matag kilo sa susamang klase nga bugas sa mga hilit nga lugar sa probinsya.
Sa katapusan subling gihupay sa NFA ang kabalaka sa Publiko.
