HINIGARAN, NEGROS OCCIDENTAL* – *Kapin sa P100,000 pesos nga balur sang shabu ang narecover sa joint drug buy bust operation sang mga kapulisan kag Philippine Drug Enforcement Agency sa banwa sang Hinigaran.
Ang apat ka mga persona nga nagkaladakpan amo sanday Criston Maalat, 40 anyos, nga amo ang subject sang drug buy bust, kag upod ang tatlo sini ka mga kauturan nga sanday, Crisanto Maalat, Bimbo Maalat, Angelo Maalat, kag ang ila paryente nga si Abner Suanque, lunsay residente sang Purok Reclamation, Barangay 1, banwa sang Hinigaran.
Suno sa hepe sang Hinigaran PNP, P/SInsp. Gerarld Lawrence Bathan, ang subject sang drug buy bust amo si Criston Maalat ang madugay na nga yara sa watchlist sang kapulisan nga nagadoso sang iligal nga druga.
Kaso naman nga paglapas sa section 5 kag section 11 sang R.A. 9165 ang ginpasaka batuk sa mga suspetsado nga detenado sa custodial facility sa Hinigaran Police Station.
Tags: Visayas, war on drugs, hinigaran, shabu,
