100 K SHABU NA-RECOVER SA 2 KA SEPARADO NGA BUYBUST. Ginabulubanta nga nagdangat sa kapin 65 ka libo ka pesos ang value sang suspected shabu nga nakuha sa suspek sa ginpatigayon nga buybust operation la 1:50 kaina sang kaagahon sa Purok Punta Balas, Brgy. Pahanocoy, Bacolod City.
Nakilala ang mga suspek nga nadakpan nga amo si Paolo Degomon samtang nakapalagyo naman ang suspek nga si Alyas Jao dela Cruz.
Nakuha sang mga katapo sang Police Station 3 sa buybust ang 2 ka sachet sang suspected shabu nga ginabulubanta nagabug-at sang 5 grams (more or less) kag isa ka libo ka pesos nga buybust money.
Sa pihak nga bahin, kapin man sa 14 ka sachet sang suspected shabu ang na confiscate halin sa isa ka street level target nga suspek sa ginpatigayon nga buybust operation las 2:30 sini lang nga kaagahon sa Galo-NIT, Brgy. 11, Bacolod City.
Nakilala ang suspek nga si Randy Tamayo, 36 anyos, residente sang Purok Magti-ayon, Brgy. 10, ciudad sang Bacolod.
Ang buybust ginpatigayon sang Police Station 1 sa pagpanguna ni Police Major Jovil Sedel kon diin nakuhaan ang suspek sang suspected shabu nga nagabalor sang kapin 35 ka libo ka pesos lakip na ang drug paraphernalia kag 200 pesos nga buybust money.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
