Patay gid ang 102-anyos nga lolo matapos maipit sang pison sa Davao del Sur.
Base sa imbestigasyon sang otoridad, wala makahibalo ang driver sang pison nga naipit ang tigulang.
Ginkilala ang biktima kay Zosimo Embudo, 102-anyos samtang nadakpan naman ang driver snag pison nga si Billy Fontanilla.
Santu sa imbestigasyon, nagalakat ang 102 anyos nga lolo sang nakabatyag ini sang kakapoy gani nagpahunay-hunay ini, nagpahuway samtang nagasandig sa roller sang pison.
Sa amo nga tion, nagapahuway man ang driver sang pison nga si Fontanilla gani wala niya matalupangdan ang biktima.
“Yung biktima, nagpahinga lang sa harapan ng pison, hindi alam ng driver. Ang driver naman, nagpapahinga rin noong time na yun pero hindi siya bumaba ng pison. So noong nag-operate na siya, unknowingly, nandoon pa pala yung biktima kaya nasagasaan niya,” ang pahayag ni Police Senior Inspector Renato Uy, hepe sang Matan-Ao Police.
Suno kay Fontanilla, nahibaluan na lang niya nga naipit na ang tigulang snag ginhambalan siya sang driver sang backhoe.
Nagpangayo na sang pasaylo sa pamilya ang driver kag nagapati man ang pamilya nga aksidente ang natabo.
Ginapangayo na lang sang pamilya ang bulig agud mapalubong ang biktima.
Nagpangako naman ang kompaniya nga ginatrabahuan no Fontanilla nga magahatag sila sang bulig.
Photo: screengrab from GMA
