105.9 million nga pondo gigahin sa DSWD-12 alang sa livelihood projects

20

Mokabat sa 105 million pesos ang gigahin nga pondo sa buhatan sa Department of Social Welfare and Development Office-12 alang sa livelihood projects karong tuiga sa mga residente sa Rehiyon Dose nga labing naapektuhan sa global health crisismugna sa COVID-19.

Matud ni DSWD 12 Regional Director Cezario Joel Espejo anaa sa 6,015 ka mga kwalipikado nga mga benepisyaryo ang target nga makabenepisyo sa maong pondo.


Makadawat matud pa ang mga nasangpit ug seed capital nga P15,000 nga gamiton sa pag-sugod ug negosyo.

Gawas niini, aduna pay dugang nga 1,051 alang usab sa mga kwalipikado ug gi-refer daan sa mga LocalGovernment Units.

Kalabutan niini, matud kang Espejo karong semanaha magpahigayon sila ug konsultasyon ug orientation sa mga Local Government Units (LGUs) nga apil sa implementasyon sa maong programa.
Gibutyag usab ni DSWD 12 Assistant Regional Director Bonifacio Selma Jr., nga majority sa mga benepisyaryo sa Livelihood Assistance Grant (LAG) ang mga market ug street vendors, apil na niini ang mga gikan sa informal economy sectors sama sa self-employed, jeepney drivers, rural workers sama sa mananagat ug mag-uuma.

Gipaklaro usab niini nga ang LAG program ang kabahin gihapon sa Social Amelioration Program ilawom sa recovery phase sa implementasyon sa Emergency Subsidy Program sa DSWD, nga nakabase sa Bayanihan to Heal as One Act nga tabangan ang mga low-income families nga maoy nag-una nga apektado sa pandemya.




Facebook Comments