Davao City – Gi-release ngadto sa kadagatan ang 105 ka mga baby pawikans sa pagpanguna ni Davao Light and Power Co., Inc. Community Relations Manager Fermin Edillon sa may Cleanergy Park sa Sitio Punta Dumalag, Matina Aplaya ning syudad Dominggo sa hapon.
Nitabang sa paghatod sa mga bag-ong pusa nga mga pawikans sila Davao City National High School School Division Superintendent Ines Asuncion, Philippine Coast Guard Auxillary National Director Vice Admiral Beethoven Sur, PCGA, 819 Squadron Commander Capt. Betty Sur, PCGA, DXDC RMN Davao reporter LT. Aimee Guinita, PCGA ug mga estudyante.
Sumala kang Fermin nga nagtuo sila nga ang maong mga pawikan usa kini ka klase sa Hawksbill Sea Turtle nga gikonsiderang mga critically endangered na sa wild.
Dakong hagit gayod kanila karon ang pagprotekta sa mga pawikan, gani adunay mga salag sa mga pawikang gapangitlog sa Cleanergy Park ang naigo sa dagkong mga balod.
Tulo ka adlaw ang nakalabay gipang buhian usab ang laing batch sa 164 ka mga pawikans.
Subay niini usa ka Memorandum of Agreement ang gilagdaan niadtong Sabado sa grupong Pagong Ako Kuyang Pilipinas Dutertles Davao Pond sa pagpanguna sa ilahang Presidente nga si Atty Manases Carpio ug Davao Light para sa Turtle Conservation Project.
Nagpahigayon usab og Coastal Clean-up human sa MOA Signing ug sinakong mga basura ang nakolekta.
RadyoMaN Aimee Guinita
