Sa harap ng umiiral na tigil putukan ngayong kapaskuhan sa pagitan ng pamahalaan at ng CPP-NPA-NDF, ipinagmalaki ng militar na umabot na sa 10,504 ang na neutralized ng pwersa ng New Peoples Army.
Ayon kay AFP Spokesperson Brig Gen Edgard Arevalo, mula January 1 hanggang December 11, 2019 umaabot na sa 10,504 ang na neutralized na miyembro ng New Peoples Army.
Sa bilang na ito 10,104 ang sumuko o nagbalik loob sa pamahalaan,138 ang napatay sa engkwentro at sa iba pang operasyon, habang 268 naman ang naaresto.
Nakakumpiska naman ng 1,737 mga samut saring mga armas o mga baril ang militar mula sa NPA at 437 mga improvized explosive device.
Samantala mananatiling naka alerto ang militar sa kabila ng umiiral na ceasefire.
Facebook Comments
