Davao City – Padayong gipakusgan sa Davao City Police Office (DCPO), ilawom sa pagdumala ni Acting City Director PCOL Mannan C. Muarip, ang kampanya batok kriminalidad uban ang suporta sa komunidad ug mga opisyal sa barangay.
Sulod sa semana, Setyembre 14 hangtod 20, 2025, nadakpan ang 106 ka indibidwal pinaagi sa lain-laing operasyon. Lakip niini ang 35 ka anti-illegal drug operations diin 43 ka suspek ang nadakpan ug nakumpiska ang 205.03 gramos nga shabu nga nagkantidad og Php 1.39M, ug 2.87 gramos nga marijuana nga nagkantidad og Php 344.40.
Sa laing bahin, 14 ka operasyon batok illegal gambling ang gilusad diin 16 ka sugarol ang nasikop. Samtang, sa operasyon batok mga wanted persons, 44 ang nadakpan diin 20 niini giila nga most wanted.
Ang maong kalampusan nagpakita sa padayon nga panaghiusa tali sa DCPO, komunidad, ug lokal nga pangagamhanan aron mamintinar ang malinawong syudad.
RadyoMaN Kareen Beltran
Facebook Comments
