Sumala ni Captain Mark Anthony Tito, 10ID spokesperson, hugot nga seguridad ang gipatuman sa tulo ka mga suspek nga sila SSG Gilbert Plaza, Team Leader, CPL. Adrian Cachero, Motorcycle Driver ug sa gunman nga si Sgt. Delfin Sialsa.
Gibutyag ni Tito aduna na silay lead sa nag absent without official leave (AWOL) nga si Cpl. Rolly Cabal samtang nagpadayon ang pagpangita sa gi-abduct nga si Cpl. Romart Longakit, kinsa mga nihimo sa casing and surveillance sa murder plot ni Plaza.
Positibo ang 10ID nga mabalik sa military control ang nag-AWOL nga si Cabal.
Gibutyag ni Tito, walay reported threat nga mga nadawat ang pamilya sa maong mga suspek ug lakip kini sa ilahang paghatag og seguridad.
Ang militar padayon ang gihimong imbestigasyon sa gikonsidera sa SITG Plaza nga mastermind nga si kanhi 1001st Infantry Brigade ug Presidential Security Group Commander BGen. Jesus Durante III ug Col. Michael Licyayo nga nagatubang og mga kasong murder ug obstruction of justice (PD 1829).
Kasong murder ug PD 1829 usab ang gipasaka batok kang SSg Plaza, murder ug theft sa riding in tandem nga sila Sgt Sialsa, Jr ug Cpl. Cachero, kasong murder batok PFC Rolly Cabal, PFC Romart Longakit, Noel H Japitan ug John Doe alias Jr. ug PD 1829 sa escort ni Durante nga sundalo nga adunay ranggo nga master sergeant.
RadyoMaN Aimee Guinita
