10ID: Kamatayon ni CPP-NPA Founder Jose Maria Sison kapildihan sa organisasyon bisan og adunay mohulip

Davao City – Taas ang kumpyansa sa militar nga magpadayon ang nakab-ot nga kalampusan sa pwersa sa gobyerno batok CPP-NPA.

Sumala ni Army Captain Mark Anthony Tito, 10th Infantry Division Philippine Army, nagmadaugon ang tropa sa gobyerno diha sa pagdeklara sa Davao Region nga insurgency free human sa pila ka dekadang pagkombati batok New People’s Army (NPA).

Nagpaabot ang kasundaluhan og pahasubo ngadto sa pamilya sa nipanaw nga si Jose Maria ‘Joma’ Sison, founder sa CPP-NPA.

Matud kang Tito, wala silay imporasyon kung aduna may nihulip kang Sison, apan gibarugan niining irreversible na o dili na makabangon pa ang kapildihan sa NPA.

Gipanganti sa armadong kusog nga magpabiling magbantay ug proteksyunan nila ang katawhan ilabi na sa mga anaa sa Geographically Isolated and Disadvantaged Areas (GIDA) aron dili makabalik ang mga NPA sa lugar nga maghasi’g kagubot.

RadyoMaN Aimee Guinita