Matod ni 10ID Spokesperson Army Major Mark Anthony Tito nga sundalo ug pulis lang ang gitugotan sa balaod nga puwede makasuot og uniporme ug ang sibilyan bawal magsuot sa nasampit nga uniporme.
Gipasabot ni Tito nga subay sa Republic Act 493 ug sa Revised Penal Code, puwedeng makasohan ang bisan kinsang mga sibilyan madakpang magsuot og uniporme sa sundalo ug sa pulis ug bug-at ang silot atubangon sa mga malapason niining balaura.
Nagsumikad ang tubag ni Tito sa pagkasikop sa duha ka sibilyan nga nagpailang Sundalo samtang nagsuot ang duruwa sa uniporme sa pagka-Sundalo dihang naharang sa Task Force Davao Lacson checkpoint sa miaging mga adlaw.
Ang duha nga giilang silang Alyas Apolinar, ug Alyas Arvin nakuhaan pa og duha ka pistola ug mga bala, busa kasong kalapasan sa Republic Act 10591 ang dugang atubangon nga kaso sa mga dinakpan.
Ug niini, Sigun ni Tito nga ilang susihon ang giingong pekeng mga sundalo aron masayran kon nalambigit ba sa ilegal o krimen sa Davao.
RadyoMaN Joel Viray
