Davao City- Sa hiniusang pamahayag sa Police Regional Office 11 ug 10th Infantry Division Philippine Army walay destabilization plot sa administrasyong Marcos sa han-ay sa kapulisan ug sa militar dinhi sa Davao Region.
Segun ni Major Mark Anthony Tito, 10ID spokesperson, wala sila namonitor nga adunay mga aktibidad ang sundalo ilawom sa ilahang area of responsibility nga destabilisasyon.
Gibatbat niining nagpabiling matinud-anon ug loyal sila sa gobyerno ug pagpanerbisyo para sa katawhan.
Samtang, sumala ni Police Major Catherine Dela Rey, PRO 11 spokesperson, sukad pa kaniadto ang kapulisan wala gaapil og mga aktibidad aron dauton ang gobyerno ug full support sila sa kalambuan sa nasud.
Matud sa AFP-PNP Davao spokespersons nindot ug maayo ang plastada sa peace and order sa Region 11 ug walay rason nga musalmot sila sa maong mga katikakaran.
RadyoMaN Aimee Guinita
Facebook Comments
