10ID wala gi-tolerate ang mga sundalong nalambigit sa droga

Davao City- Gipanganti sa 10th Infantry Division (10ID) Philippine Army nga mamahimo silang transparent sa ilusad nga kaugalingong imbestigasyon sa militar batok sa duha ka mga sundalong nadakpan sa buybust operation sa Philippine Drug Enforcement Agency (PDEA) XI sulod sa gituohang drug den sa Purok 13, Barangay San Miguel, Tagum City, Davao del Norte.

Gikumpirma ni Captain Mark Anthony Tito, 10ID spokesperson, nga mga sakop sa 56th Infantry Batallion (56IB) ang mga nadakpan nga sila PFC Butch Ysmael Tabuzares ug PFC Rigor Ramales.

Gibutyag niini, wala nila gi-tolerate ang mga personaheng malambigit sa mga iligal nga aktibidad.

Mulusad ang 56IB og imbestigasyon sa nadakpang mga sundalo.

Sumala ni Tito, ang 56IB ilawom kinsa Operational Control (OpCon) sa 10ID ug ang 7th Infantry Division ang muhawid administratively sa duha ka mga personahe.

Isumite sa 56IB ang resulta sa gilusad nga imbestigasyon ug sa mamahimong rekomendasyon alang sa mga suspek.

Dismayado ang 10ID sa insidente apan gipasalig nga wala silay ginadapigan ug suportado nila ang PDEA XI sa paggukod sa mga nalambigit sa illegal nga droga.

RadyoMaN Aimee Guinita