Matud ni Army Major Mark Anthony Tito, 10ID Spokesperson, walay unod alang kanila ang duha ka adlaw nga ceasefire tungod wala na silay puwersa kontra kasundalohan.
Kamatooran niini mao ang sunod-sunod nga mga enkwentro sa Barangay sa Malaybalay City, Bukidnon niadtong Disyembre 25, 2023 kung asa siyam ka rebelde ang namatay ug tulo niini pulos mga babayi.
Sanglit walay ceasefire ang gobyerno ning panahona, kini nagpasabot nga magpadayon ang Military Operation batok sa teroristang NPA, bisan pa og panahon sa Pasko ug Bag-ong tuig.
Segun ni Tito, walay namonitor ang 10ID nga kalihukan sa mga rebelde sa nakalabay’ng Pasko, ug labaw nang wala kahimo sa kasaulogan sa anibersaryo kagahapong adlawa.
Dugang ni Tito, malinawon ang area of responsibility sa 10ID niadtong Pasko diin paningkamotan sa militar nga mapukan na sa hingpit ang nabiling mihinay nang Front Committee 57 nga naglihuk sa Quezon, Bukidnon lima ka adlaw una mahuman ang timeline karong bulana.
RadyoMaN Joel Viray
