Sumala kan Matag-ob Leyte Mayor Bernandino Tacoy, panuyuan hine nga inisyatibo nga makabulig nga maprotektaran an kalibongan dire la ha Matag-ob kundi an bug-os nga kalibutan.
“Dire la kita makakabulig ha mga katawhan han Matag-ob, pero pati gihapon ha bug-os nga kalibutan. Nakikita naton nga an climate change iba na, amo ine an aton pamaagi nga makabulig kita. To bring back back the usual status of the earth,” siring ni Tacoy.
Mababaruan nga dida han nakalabay nga August 28, 2023, nagdumara hin tree planting activity an LGU Matag-ob kaupod an Office of the Vice President ngan Department of Environment and Natural Resources (DENR) ha Brgy Malazarte ha lugar kun diin sobra 8,500 nga mga puno an natanom ha 13.6 ka-ektarya hin tuna.
Dugang pa ni Tacoy, iya gihapon iginri-require ha mga mga madalagan ha bisan ano nga posisyon yana nga tiarabot Brgy ngan Sk Election nga magtanum gihapon hin puno sugad man an iya mga gin kakasal.
Agud masiguro naman nga maupay an pagtubo han mga igintanum nga puno, in nag-hire an alkalde hin empleyado nga amo an magtitimangno hine.
Samtang, ha nagpapadayon nga selebrasyon han Himorasak Festival ha mao nga bungto gin siring ni Mayor Tacoy nga an tanan nga aktibidad nga pagbubuhaton in may kalabutan ha pag protiher ha kalibongan sugad man an pagpatuman hin waste segregation ngan pagrecycle han mga basura kumo kaparte han ira environmental protection policy.
