10K tawo midagsa sa Buhangin Memorial Park sa kalag-kalag

Davao City – Mokabat sa 10k ka tawo ang gibana-banaang midagsa sa Buhangin Memorial Park sa duha ka adlaw nga paghinumdum sa mga minatay.

Giingon ni Buhangin Police Station Chief of Police Major Joenel Pederio, 5 mil ka tawo sa All Souls Day ug 5 mil sa All Saint Day, ang miduaw sa mga lubong sa ilang minahal sa kinabuhi sa maong menteryo.

Segun ni Pederio, nagsugod ang pagdagsa sa mga tawo alas 4:00 sa hapon ug alas 10:30 sa gabii wala nay gitugotan nga magpabilin sa menteryo ug ang tanang tawo ilang gipapa-uli.

Nagtoo si Pederio, usa sa rason sa pagdagsa sa mga tawo gumikan sa long weekend ning semanahona tungod sa Barangay ug SK Election ug kalag-kalag.

Sa usa ka semana nga kalihukan, nagmalinawon ug walay natalang krimen sulod sa area sa Presinto 5. Nagpasalamat ang hepe sa kooperasyon sa katawhan sa mga gipatumang seguridad sulod sa area sa Buhangin, syudad sa Davao.

RadyoMaN Joel Viray