10%TARGET SA COMELEC 12 NGA MADUGANG SA MGA MAREHISTRO SA REHIYON DUNGAN SA SUBLING PAG-ABLI SA REGISTRATION

24

*General Santos City— Takda ng magsugod ang registration sa COMELEC karong adlaw’ng Lunes, Enero 20 nga mulungtad hangtud sa sunod tuig.*

*Sumala kang COMELEC 12 Regional Director Atty. Micheal Abas nga tanang transakyon ang ilahang i-cater gikan sa re-activation, change of entries, transfer ug correction.*


*Pagpaklaro niya nga mamahimong abli ang COMELEC gikan lunes hangtud sa adlaw’ng sabado, lakip na mga holiday, alas 8 sa buntag hangtud na alas 5 sa hapon.*

*Dugang pamahayag ni Atty. Abas nga ilahang gilauman nga madugangan ug 10 porsyento ang ihap sa mga marehistro sa rehiyon. Sa karon, anaa na sa 2.2 milyon nga registered voters sa rehiyon 12.*

*Nanawagan man usab kini sa mga wala pa nakapa-rehistro nga dili na hulaton pa nga hapit na matapos ang schedule sa pagparehistro ayha mu-adto sa mga buhatan sa COMELEC.*

*Kini aron nga malikayan ang pagdasok. Tanan amtud pa ang ilaha gi-cater gikan 15 anyos pataas. Ang maong registration ang preparasyon sa umaabot nga 2022 midterm national and local election.*

Facebook Comments