Sa interbyu sa DXDC RMN Davao kang Captain Mark Anthony Tito, Spokesperson sa 10th ID, gipasabot niini ang importansya sa military service ugaling mahimo na kining balaod ang pagbansay o i-train ang 18 anyos pataas ug magserbisyo og duha ka tuig sama sa ubang nasod.
“Ato gyud nang gisuportahan (ang mandatory military service) and hopefully, ma-implement gyud na siya tungod kay dako gyud kaayo na sya og matabang in terms of national security, dili lang sa atoang area diri sa Southern Mindanao, area sa 10th ID, kundili sa tibuok natong nasod,” sulti ni Tito.
Gipasabot usab ni Tito, dili lamang i-train alang sa giyera kun dili magamit usab ang nahisgutan isip manpower panahon sa disaster reponse ug rescue operation ilabina panahon sa bagyo ug linog ug uban pang kalamidad nga muabot.
Samtang, managlahi ang reaksyon sa netizens kabahin sa military service apan punto usab sa mga mipabor nga dakong tabang nga mahimong andam ang kabantan-onan sama sa sitwasyon o nahitabo karong tensyon o giyera sa tali sa Russia ug Ukraine.
RadyoMaN Kirby Manzon
