Davao city – Gipasalamatan sa 10th Infantry Division Philippine Army ang mga tawo nga nagpaa-bot og impormasyon labot sa presensiya sa CPP-NPA-NDF sa may Sitio Tinago, Brgy. Mt Diwata , Monkayo, Comval province.
Mao nahitabo ang binakbakay tali sa tropa sa 25th Infantry Battalion ug Guerilla Front 20 sulod sa pila ka minuto pag-abot sa road 55 sa nasangpit nga lugar alas 10 kagahapon sa buntag.
Sumala ni 10th ID Commander Brigadier General Jose Faustino nga usa ka concern citizen sa Monkayo ang mihatag og impormasyon nga naglusad og operasyon ang mga NPA sa naasoy nga lugar.
Nangumbinser ang mga terorista sa mga residente sa barangay nga magtambong sa ilang ika-50 ka tuig nga anibersaryo sa katukoran sa CPP-NPA-NDF dinhi sa nasud.
Wala naglangay ang militar sa pagresponde apan gipabothan sila og IED sa komunista pag-abot sa dapit resulta nga onse kanila ang samdan nga anaa na karon sa ospital.
Samtang hugot gikondena ni Faustino ang CPP-NPA-NDF tungod sa ilang padayon nga paggamit sa IED nga dakong kalapasan sa International Law.
Sa karon, nagpadayon ang militar sa ilang operasyon batok sa misibat nga mga sakop sa Guerilla front 20 ilawom sa grupong NPA.
RadyoMaN Joel Viray
