10th ID naka-full status alert nunot sa MSU-Marawi bombing

Davao City – Dili hatagan og tsansa ang 10th Infantry ‘Agila’ Division Philippine Army nga makasabwag og terorismo, ang Dawla Islamiyah Terrorist nga gitudlong suspect sa pagpamomba sa Catholic Church Sunday Service sulod sa gym sa Mindanao State University, Marawi City niadtong Domingo sa buntag sa ilang area of responsibility.

Sumala ni 10th ID Spokesperson Army Major Mark Anthony Tito, ang katuyoan sa full status alert alang sa mas hugot nga seguridad ug dili usab magkompiyansa ang kasundalohan sa posibleng pagsulod sa Dawla Islamiyah sa rehiyon onse.

Ang kinatibuk-ang puwersa sa 10th ID nga gilangkuban sa upat ka Brigade ug Onse ka Batallion, 24/7 nagmonitor sa ilang tagsa-tagsa ka AOR sa ingon aron dili sila masudlan sa mga terorista.

Sa kinatibuk-an, walay Intel report nadawat ang 10th ID nga dunay mga teroristang nakapenetrate sa rehiyon ug gani nagpabiling malinawon ang ilang AOR hangtod karong panahona.

Pagdasig ni Tito sa katawhan nga mag-igmat ug magpakabana ug dayon i-report sa pinakaduol nga istasyonan sa kapulisan, kung dunay kadudang mga tawo sa ilang mga Barangay.

RadyoMaN Joel Viray