Davao City – Gipaningkamutan sa 10th Infantry Division Philippine Army nga makab-ot ang direktiba sa Eastern Mindanao Command (EMC) nga una mag Setyembre 30, 2022, hingpit nang mamahimong insurgency o NPA-free ang tibuok Region XI.
Sa interbyu sa DXDC RMN Davao kang Captain Mark Anthony Tito, tigpamaba sa 10ID, ang Weakened Guerilla Front (WGF) 18 nga anaa karon sa Davao Oriental ang nahibilin nalang nga nag-operate sa rehiyon.
Subay sa ilang intelligence monitoring, anaa sa 12-14 na lang ang mga membro sa maong grupo ug adunay 14 ka mga high powered firearms.
Gi-intensify sa 10ID ang ilang mga operasyon sa Davao Oriental ug hugot ang ilang panawagan sa mga nahibiling NPAs nga mu-surrender na sa gobyerno.
RadyoMaN Aimee Guinita
[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>
Facebook Comments
