Niini, naglagdaanay og Memorandum of Agreement ang 10th ID ug ang DSWD XI nga gipahigayon sa Camp General Manuel T. Yan Sr., sa Lungsod sa Mawab Davao De Oro, niadtong Mayo 2,2023.
Mismo silang 10th ID Commander Major General Jose Eriel Niembra ug DSWD XI Regional Director Atty.Vanessa Goc-ong ang nagpirma sa kasabutan uban nila Davao De Oro 2nd District Board Member Ruwina Gonzaga ug Assistant Regional Director for Operations and Disaster Response Management Division Chief Dahlia Padillo.
Ubos sa kasabutan, ang 10th ID, mag-alokar og 230 square-meter facility nga magsilbing augmentation sa Local Government Unit’s Emergency Response Preparedness Measures.
Giingon ni Goc-ong, ang kasabotan dili lang alang sa pagplastar daan sa relief goods apan magpakusog sab sa maayong relasyon tali sa DSWD XI ug sa 10th ID Philippine Army.
Gihingusgan ni Commander Niembra nga ang 10th ID dili alang gitagana alang sa giyera batok sa teroristang CPP NPA NDF apan alang sab sa pangresponde panahon dunay kalamidad muigo sa rehiyon onse diin girekognisar niini ang kamahinungdanon papel sa kasundalohan isip usa sa mga responders.
RadyoMaN Joel Viray
