Davao City – Opisyal nga ilusad karong adlawa ang 10th Traditional and Alternative Health Care Congress sulod sa Apo View Hotel ning syudad sa Davao.
Subay kini sa pagdeklara sa bulan sa Nobyembre isip Traditional and Alternative Health Care Month gani tema karong selebrasyon mao ang “Harnessing the contribution of T&CM to health, wellness amd people-centered health care.”
Tumong niini nga tapokon aron maghiusa ang tanang Traditional and Alternative, Health Care (TACH) practioners, supporters ug advocates.
Gani gitambongan kini sa 280 ka mga doctors, advocates ug tradition and alternative practitioners lakip na dinhi si kanhi DOH Sec. Pauline Jean Ubial kinsa nagwelcome sa mga bisita ingon man usa sa mamahimong speaker niining aktibidad.
Pipila sa mga imbitadong speakers karong adlawa mao si Asec. Charade Mercado-Grande sa Department of Health (DOH), 2019 Mrs. Universe Patricia Javier, Philippine Institute of Traditional and Alternative Health Care (PITACH) Director General Annabelle Pabiona-De Guzman, ug uban pa.
Lauman sab nga muabot dinhi sa Davao City Mayor Sara Duterte-Carpio aron muhatag sa iyang mensahe may kalabutan sa maong duha ka adlaw nga selebrasyon.
RadyoMaN Jason Amisola
