Mabinay, Negros Oriental – Patay ang onse ka bulan nga lapsag matapos maubos sg kalayo ang ila puluy-an pasado las 7 ang takna sg aga sa Brgy Bagtic, Mabinay Negros Oriental.
Las 6 ang takna sang aga sang ginbilin sang iloy ang iya tatlo ka tuig nga bata, upod ang manghod sini nga onse ka bulan nga lapsag, bangud ini ang nagbakal sg kalamay kag habon sa pinakamalapit nga tindahan, masobra isa ka kilometro ang kalayoon, halin sa nasambit nga puluy-an.
Bangod nga wala sang bantay, ginkuha sang tatlo ka tuig nga bata ang nabilin nga disposabe lighter sang amay nga si Roberto Bernabe, 58 anyos, kag ginsindihan ang habol sa tupad sang nagakatulog nga lapsag.
Gilayon nga nagdako ang kalayo kag masuwerte nga nakagwa ang tatlo ka tuig nga bata, apang nabilin naman ang lapsag sini nga manghod nga si Junrey Bernabe, rason nga ini ang nasunog upod sa ila puluy-an nga himo gid lamang sa light materials. /dyHB-Bacolod
