Patay ang usa ka 11-anyos nga batang lalaki gikan sa Purok 3 sa bukirang barangay sa San Jose, Dakbayan sa Sugbo human nadat-ugan kini sa ilang balay nga giigo og landslide kagabii .
Samtang nagtan-aw og tv ang maong bata nga giila nga si Kyle Ashley Barcoso uban ang iyang apohan nga 62-anyos nga si Juanito Barcoso, kalit nga midahili ang yuta duol sa ilang balay nga gituohan sa mga sakop sa Disaster Risk Reduction and Management Office sa syudad nga tungod kini sa pipila ka adlaw nga pag-uwan sa sugbo hinungdan nga mihumok ang yuta .
Segun sa pangu sa disaster team sa syudad, Nagiel Bañacia nga ang yuta ug ubang debris mitabon sa pipila ka bahin sa balay sa biktima hinungdan nga wa’ na kini makagawas dayon .
Ang apohan sa bata nakaangkon og mga bun-og sa kalawasan human nadat-ugan kini sa ilang cabinet apan wa’ maluwas ang bata human nadat-ugan kini sa ilang balay .
