11-anyos nga bata sa Leganes , naghikog

940

Nasapwan na lang nga nagabitay kag wala na sang kabuhi ang Grade 6 pupil matapos naghikog sa Barangay Cari Minor, Leganes, Iloilo kahapon sang hapon.

Sa interview sang RMN Newsteam kay PO2 Leo Barnuevo, imbestigador sang Leganes Municipal Police Station, ginpahayag niya nga gingamit ni alyas Nonoy, 11-anyos ang lubid nga iya sang ido kag ginhigot sa balayan.

Nakita pa ang monoblock chair sa ibabaw sang katre kag ginapatihan gingamit man sang biktima agud utason ang iya kabuhi.

Suno naman sa mga ginikanan sang biktima nga antes ini natabo , may kontra ang iya bata bangud gina-bully ini sang isa man ka estudyante sa ila eskwelahan.

Wala naman nagalaum ang mga ginikanan sang biktima nga mahimo ini ni alyas Nonoy sa iya lamharon nga edad.

(photo from web)

Facebook Comments