Aabot sa 11 empleyado ng Consular Office ng Department of Foreign Affairs (DFA) sa SM Megamall ang nagpositibo sa COVID-19.
Dahil dito, pansamantalang ipinatigil ang operasyon simula Setyembre 6 hanggang 10.
Sa nabanggit na araw, isasailalim sa disinfection ang apektadong lugar gayundin ang pagsunod sa isolation at quarantine guidelines na ipinatutupad ng Inter-Agency Task Force on Emerging Infectious Diseases (IATF-EID) at ng Department of Health (DOH).
Tiniyak naman ng DFA na lahat ng affected applicants ay hindi dapat mag-alala dahil tatanggapin sila sa DFA-Aseana para sa kanilang schedule.
Padadalhan ang mga ito ng abiso sa kanilang e-mail para sa alternative passport appointment slot.
Facebook Comments
