Sa report nga gipadala ni DCPO Spokesperson Police Captain Hazel Tuazon sa News Team, nahimo rang hapsay ang rally sa grupo sa mga aktibista nga gilangkoban sa Anakbayan, Gabriela, Kilusang Mayo Uno, ug Kabataan Partylist Mindanao nga nagsugod kaganinang 9:00 sa buntag ug nahuman pasado 11:00 sa sayong kaudtohon karong adlawa.
Atol sa rally, onse ka batakang isyu ang gisinggit sa mga makawalhong grupo batok sa administrasyon ni Pangulong Ferdinand ‘Bongbong’ Marcos Jr.
Kabahin sa ilang gitiyabaw mao ang pag-usbaw sa suholan sa mga mamumunuo, serbisyo ug dili militarisasyon, demolisyon dangan sa katawhan, edukasyon dili gyera, presyo sa mga palaliton ipa-ubos, Rice Liberation Law ibasura, Chacha Marcos babagan, Marcos-Duterte Pasagad, Pasista Palisud Batukan, Maharlika Investment Fund Ibasura, No Charter Change, US troops out, ug Ibalaud ang nasudnong suholan nga nasugdan.
Nasayran, ang paglusad og rally sa 50 ka aktibista isip sugat kini sa mahitabong Ikaduhang State of the Nation Address ni Pangulong Ferdinand ‘Bongbong’ Marcos Jr., karong adlawa.
RadyoMaN Joel Viray
