Davao City – Mikabat na sa 11 ka mga psychotic vagrants ang na-rescue sa lokal nga panggamhanan gikan sa kadalanan sa syudad aron malikay sa coronavirus disease.
Matud ni Davao City Mayor Sara Duterte, anaa sila gibutang sa Mental Wellness Center for the Homeless aron maatiman ug matagaa’g medikal nga atensyon. Segun sa Mayor, ang mga doktor ug eksperto nga mututok sa mga pasyente naggikan sa DOH XI, samtang ang mga nurses ug uban pang staffs gikan sa lokal nga panggamhanan.
“At risk pod ni sila (psychotic vagrants) sa COVID-19 and possible pod sila na mag-spread sa disease kay mag sige sila’g tuyok-tuyok,”
Samtang, gibutyag ni Committee on Health chair 19th City Council Councilor Mary Joselle Villafuerte, 11 na ka mga psychotic vagrants ang na-rescue, 5 ka mga babae ug 6 ka lalaki. Dunay gihimong art theraphy, music therapy, adlaw-adlaw nga pisikal nga ehersisyo ug pagmentinar usab sa ilang mga hygiene.
RadyoMaN Aimee Guinita
