Tumong niini mao nga aron ang Driver nga sad-an sa disgrasya sa mga sakyanan kagabii, maoy bundakan sa mga kasong reckless imprudence Resulting To Multiple Damage to Property ug Multiple to Less Serious Injuries.
Apan migawas sa pasiuna nga imbistigasyon ni PSMS Ramel Bondayo, Buhangin PNP-Traffic Section Investigator, ang 11 ka bihikulo pareho nagsubay sa CP Garcia Highway sa Diversion Road, ug ang ika-onse nga sakyanan nga Bus nga gimaneho ni Oscar Dalogdog maoy nag-una ug gisundan sa ika-napulo nga bihikulo nga Multicab ug gidrayban ni Elmer Sicutan.
Apan pag-abot sa hitaboan, ang unang bihikulo nga usa ka Isuzu Wingvan nga gidrayban sa usa ka Marquez Dio Jr, ang nawad-an og brake hangtud wala na makontrolar ang manobela rason nga nasag- hiran ang tuong bahin sa side mirror sa Pacific Taxi Cab nga gidrayban ni Mohaliden Adam hangtod mibangga kini sa lain pang noybi ka mga pribadong bihikulo.
Nasayran nga sa maong disgrasya, duha ang nahimong angol nga giilang silang Raylyn Sicutan kinsa pasahero sa ika-napulo nga bihikulo, ug Cyril Tampos kinsa pasahero sa ika-unom nga sakyanan.
Paspas miresponde ang Central 911 Medic Team ug gidapatan og pasi-unang tambal ang duha ka mga pasahero ug dayon gidala sa Tambalanan.
Sa karon, ang mga bihikulo nga nalambigit sa disgrasya lakip na ang mga drivers nga temporaryo gidala sa Presinto #5.
Radyoman Joel Viray
