TACLOBAN CITY – Desyembre 25, adlaw hiton pasko na rescue han mga otoridad an 11 nga mga purupangisda nga sobra 10 na ka adlaw nga gin-bibiling nga pumalawod dida han Desyembre 3 antis paman an paglasurbo han bagyo Urduja. Samtang 5 pa an padayon nga gin-bibiling.
Ginkilala an mga na rescue nga hira, Jesus Apolan, 48 anyos, Joselito Mendoza, 53 anyos, Glenn Moro, 23 anyos, Jessie Apolan, 19 anyos, Jay-ar Jorolan, 28 anyos, Enrico Solayao 32 anyos nga mga residente han Tacloban City, ngan Ernesto Mascarenas, 54 anyos nga taga Campetic Palo, Freddie Alboro, 34 anyos nga residente han Davao Occidental, Ryan Calixte, 24 anyos nga residente han Sta Rita Samar, Rommel Lopez, 27 anyos nga residente han Bacolod City, ngan Rey Cubillo nga residente han Trinidad Bohol.
Sumala kan Manuel Catuda, head han MDRRMO ha Dolores Eastern Samar, desyembre 3 pumalaot tikang ha port area han Tacloban an 16 nga mga purupangisda sakay han trangportasyon pandagat nga Belmar 1. Pagka desyembre 13, in didto na natiklob an ira sakayan mahitungod han makusog nga hangin samtang tibalik na hira ha Tacloban.
“Ha dadagko nga balud ngan makusog nga hangin waray na maakos han ira ginsakyan sanglit natiklob.”
Alas 8:30 han desyembre 25, ha may Tubabao Island 20 nautical mile tikang ha Dolores Eastern Samar in didto na na rescue an mao nga mga purupangisda.
Gintutu-ohan han mga survivors nga an mga nawawara pa nga 5 nga crew in patay na nga ginkilala nga hira Fernando Alboro, 38 anyos Solfreddie Alboro, 77 anyos, pareho nga mga residente han Surigao del Norte. Marvin Nadunbgga, 24 anyos nga residente han Brgy. Maharlika Palo Leyte, Joey Tolentino, 48 anyos nga residente han San Roque Tacloban City ngan Nonie Magallones, nga residente han Surigao City.
Nakipag-coodinate na an LGU Dolores ngan Dolores MPS ha Philippine Coast Guard ha Oras Eastern Samar agud magbuhat hin search rescue and retrieval operation ha mga nawawara nga iba pa.
