Davao City – Onse ka mga police station sa siyudad sa Davao ang gideklara nga ‘zero crime rate’ sulod sa 24 ka oras sa adlaw Miyerkules, Enero 3 tuig 2018 gawas sa Talomo Police Station diin dunay natigayon nga vehicular accident.
Sumala pa sa datos sa Davao City Police Office (DCPO), ang onse ka mga police stations mao ang Sta. Ana, San Pedro, Sasa, Buhangin, Calinan,Toril, Bunawan, Tugbok, Paquibato, Baguio ug Marilog Police Station.
Matud pa mao kini ang unang semana sa tuig 2018 nga walay natigayon nga dagkong krimen nga panghitabo.
Sumala ni DCPO Spokesperson Police Senior Inspector Maria Teresita Plaza Gaspan nga nagpabilin gihapong alerto ug nagmaigmat ang kapulisan sa pagbantay ug wala gihapon nagkompiyansa sa pagbantay sa ilang nagkadaiyang area of responsibility (AOR).
RadyoMaN Don Pulayao
