11 thousand doses sang COVID-19 vaccine nag-abot sa South Cotabato.

8

Yara sa 11,000 pa ka mga healthcare frontliners (A1), senior citizens (A2) kag persons with co-morbidity (A3) ang ginalauman nga makabaton sang first dose sang coronavirus disease vaccine. Ini matapos nga tigayon na nga gindeliver sang Department of Health – Center for Health Development Soccsksksargen Region ang 11,000 doses sang Sinovac’s CoronaVac vaccine sa probinsya sang Agosto 3, 2021. Base sa datos sang Integrated Provincial Health Office ang banwa sang Banga ang nakabaton sang 1,462 doses, Lake Sebu – 550, Norala – 550, Polomolok – 1,865, Sto. Niño – 550, Surallah – 1,022, Tampakan – 470, Tantangan – 733, Tboli – 1,001,Tupi – 1,072 kag Koronadal City – 1,725. Magluwas sa Polomolok, ang iban nga LGUs sa probinsya ang nakabaton lamang sang 50 porsyento sang ila nga alokasyon nga ang nabilin nga vaccines ang ihatag lamang depende sa ila nga nagamit nga bakuna kag inventory. Samtang,ginhatag naman suno pa ang bug-os nga alokasyon sang bakuna sa banwa sang Polomolok tungod yara sa 98 porsyento ang nabakuna sa ginhatag sa ila nga vaccine. Suno kay Mayor Honey Lumayag-Matti nga ang bag-o nga supply sang vaccine sa banwa sa mga priority groups ang maubos sa sulod lamang sang duha ka adlaw. Nahibaluan nga yara sa 54,000 vials sang Sinovac ang nadeliver sang DOH 12 sa mga city and provincial health offices sa rehiyon sang Agosto 3, sa diin 11,000 sa South Cotabato; 6,000 sa General Santos City; 5,000 sa Cotabato City; 17,000 sa North Cotabato; 4,000 sa Sarangani; kag 11,000 to Sultan Kudarat lakip na ang 500 sa Kalamansig kag 1,000 sa Lebak

Facebook Comments