110 target beneficiaries sang OWWA 12 sa Scholarship Program sini para sa School Year 2018-2019.

Yara sa 110 ang mangin target beneficiaries sang Overseas Workers Welfare Administration (OWWA 12) para sa OFW Development Scholarship Program sa School Year 2018-2019.
May-angot sini, suno kay OWWA 12 OIC Regional Director Marlyn Jamero iya ginaawhag ang mga aplikante nga magpadulong lang sa ila nga opisina agud nga mag-apply kag tubtob lang sa Mayo 15 subong nga tuig sila magabaton sang aplikasyon.
Samtang paklaro ni Maam Jamero nga ang sarang lamang nga makaapply sa nasambit nga programa sang ahensya ang dapat bata sang OFW nga active member sang OWWA, dapat indi magsobra sa P30, 000.00 ang sweldo kada bulan, graduating na sa grade 12 kag kon mahimo wala sang failing grade.
Makabaton naman sang P10, 000.00 financial assistance kada semester ang mga beneficiaries sang nasambit nga programa.

Facebook Comments